وشعب هوك واش الحكم هو اللي سدد 13 تسديدة؟

أشرف بلمودن

كاينين شي ناس باغيين يقنعونا باللي الحكم تشرا، او سي Hafid Draji ، قال ليك كان عارف من اللول باللي الجزائر ما غاديش تمشي للنصف النهائي…
ولكن إلى رجعنا للأرقام، كنلقاو الحقيقة كاتبان بوحدها بلا غوات بلا بلا بلا بلا هاك 👇🏽.

نيجيريا:
الاستحواذ: 57%
الأهداف المتوقعة: 3.14
مجموع التسديدات: 13
تسديدات فالإطار: 5

الجزائر:
الاستحواذ: 43%
الأهداف المتوقعة: 0.12
مجموع التسديدات: 2
تسديدات فالإطار: صفر

دابا بالله عليكم،
واش الحكم هو اللي سدد 13 كرة؟
واش الحكم هو اللي دخل للمرمى وسدد 5 فالإطار؟
ولا الحكم هو اللي خلا منتخب كامل ما يخلق حتى فرصة حقيقية وحدة؟

الكرة ما كتكدبش، والأرقام ما عندها لا جنسية لا انتماء.

وزيد عليها:
شغب فالمدرجات
احتكاكات مع الأمن اللي كان مهني وضابط النفس
اعتداءات على لاعبي نيجيريا فوضى حتى فقاعة الصحافة

هاد الشي كامل كيزيد يسيء لصورة الكرة الإفريقية، وكيبين باللي المشكل ماشي فالحكم، ولكن فالعقلية ديال #العسكر لا تقبل الهزيمة المتعودة عليها .

الخسارة جزء من اللعبة،
والربح ما كيجيش بالصراخ ولا بنظرية المؤامرة،
كيجي بالخدمة، بالتسديد، وبالأهداف.

🎯 الكرة تحسم فالملعب… ماشي فالتبريرات.