ولد مراكش يرد على مقال عنصري ضد السياحة بالمدينة الحمراء يصف أهلها ب “النصابة”

0

ولد مراكش : طارق عبد القادر سعيدة

مراكش ماشي هي جامع الفنا مراكش ماشي هي اش بيتي مراكش ماشي هي اهيوا مراكش ماشي هي اتيكوا مراكش ماشي هي نيبا
مراكش هي عاصمة الإمبراطورية المرابطية مراكش دازو منها السعديين الموحدين مراكش هي بلاد الله مراكش هي بلاد العلماء و المقرئين مراكش هي بلاد الشيخ عمر القزابري و الدكتور عبد الرحيم النابلسي و العلامة محمد لحسن الدباغ و العلامة أبو عبيد المراكشي و و و و مراكش هي بلاد سبعة رجال هم سبعة من الفقهاء والقضاة و المتصوفة يوسف بن علي الصنهاجي، القاضي عياض، أبو القاسم السهيلي، أبو العباس السبتي، محمد بن سليمان الجزولي، سيدي عبد العزيز التباع، سيدي عبد الله الغزواني .
ندوزو لعلاش مراكش وجهة سياحية عالمية و علاش مراكش بالضبط راه ما عندناش غير جامع الفنا عندنا قصر الباهية قصر البديع الكتبية قبور السعديين قبة المرابطين دار سي سعيد مسجد بن يوسف مدرسة بن يوسف المنارة مسجد مولاي اليزيد …. حنا عندنا تاريخ ماشي غير هضرة فالريح نكملوا و ندوزو للطبيعة حدائق المنارة حدائق أݣدال حدائق ماجوريل عرصة مولاي عبد السلام و منين ما دزتي كاينة جردة و داير بها سلسلة جبال الاطلس نهضرو على النواحي ديال مراكش اوريكا امليل ويرݣان تغذوين و زيد و زيد الفنادق و دور الضيافة و منتجعات غير مشتتة و كل على حساب جيبو و سواق لحبات لك الخاطر موجودة اما تنصابة كما تݣال هاذي كاعرفو ليها غير عشور القبايل و راه موجودة فينما مشيتي و بنادم لكاتنصب هو لمكلخ .
مطار مراكش المنارة مصنف من بين أحسن المطارات عالميا سمعتي عالميا عندنا المطار 5 دقائق تلقاك وسط المدينة
الجو بلما نهضرو عليه و زيد و زيد
الخلاصة :
وصفت مراكش بأنها المدينة الحمراء، الفسيحة الأرجاء، الجامعة بين حر وظل ظليل وثلج ونخيل، عاصمة دولة المرابطين والموحدين والسعديين، قال فيها صاحب وفيات الأعيان: مراكش مدينة عظيمة بناها الإمام يوسف وهي قاعدة بلاد المغرب وقطرها ومركزها وقطبها، فسيحة الأرجاء، صحيحة الهواء، بسيطة الساحة ومستطيلة المساحة، كثيرة المساجد، عظيمة المشاهد، جمعت بين عذوبة الماء، واعتدال الهواء، وطيب التربة، وحسن الثمرة، وسعة الحرث، وعظيم بركته .

مولات المقال مسكينة ضرها خاطرها من جهة مراكش بزاف و حاقدة على مراكش المراكشيين و لا شي مراكشي دار ليها شي حاجة فصغرها عقدتها من مراكش الله اعفو عليك و ارد بك ابنتي و مرة خرا الا بغيتي تروجي لشي جهة روجي اش فيها و باش واعرة على مراكش ماشي تخرجي حقدك

مراكش أحسن مدينة فالعالم و لا عزاء للحاقدين

اترك رد

لن يتم نشر عنوان بريدك الإلكتروني.